അർജുൻ ആയങ്കിയെ ഓടിച്ചിട്ട് പിടികൂടി പൊലീസ്; നിർണായകമായത് ഓട്ടോഡ്രൈവർക്ക് തോന്നിയ സംശയം

കണ്ണൂർ: അന്വേഷണ ഉദ്യോഗസ്ഥരെ ഭീഷണിപ്പെടുത്തി ഒളിവിൽ കഴിഞ്ഞിരുന്ന ക്രിമിനൽകേസ് പ്രതി അർജുൻ ആയങ്കിയെ കുടുക്കാൻ നി‌ർണായകമായത് ഓട്ടോഡ്രൈവറുടെ മൊഴി. കണ്ണൂരിലെ അപാർട്‌മെന്റിൽ നിന്ന് ഇന്നലെ രാത്രി രണ്ടരയോടെയാണ് അർജുൻ ആയങ്കിയെ പൊലീസ് സംഘം പിടികൂടിയത്. നിയമസഹായം തേടുന്നതിനായി സുഹൃത്തുക്കളായ അഭിഭാഷക ദമ്പതികളെ കാണാനാണ് അർജുൻ ആയങ്കി കണ്ണൂരിലെത്തിയത്.

ഒളിവിൽ കഴിഞ്ഞിരുന്ന സ്ഥലത്ത്‌ പൊലീസ്‌ എത്തുമെന്ന്‌ ഉറപ്പായതോടെ ഓട്ടോയിൽ പയ്യന്നൂരിലേക്ക് കടന്നു. ഓട്ടോ ഡ്രൈവറുടെ ഫോണിൽനിന്ന് സുഹൃത്തിനെ വിളിച്ച് കാറുമായി വരാൻ ആവശ്യപ്പെട്ടു.. ഈ കാറിലാണ് അർജുൻ ആയങ്കി കണ്ണൂരിൽ സുഹൃത്തായ അഭിഭാഷകയെ കാണാനെത്തിയത്.
സംശയം തോന്നിയ ഓട്ടോഡ്രൈവർ വിവരം കണ്ണൂർ പൊലീസിനെ വിളിച്ച് അറിയിക്കുകയായിരുന്നു. പിന്നാലെ സ്ഥലത്തെത്തിയ പൊലീസ് സിസിടിവി ദൃശ്യങ്ങൾ ഉൾപ്പെടെ പരിശോധിച്ച ശേഷമാണ് അർജുനെ വളഞ്ഞത്.

ഡിഐജിയുടെ നേതൃത്വത്തിലുള്ള പൊലീസ് സംഘമാണ് അഭിഭാഷകയുടെ വീട്ടിൽനിന്ന് അർജുനെ അറസ്റ്റ് ചെയ്‌തത്. സംഭവസമയം അർജുൻ ആയങ്കി മാത്രമാണ് അപാർട്‌മെന്റ്റിൽ ഉണ്ടായിരുന്നത്. പൊലീസിനെ കണ്ട് ഇറങ്ങിയോടാൻ ശ്രമിച്ചെങ്കിലും പൊലീസ് സംഘം ഓടിച്ചിട്ട് പിടികൂടുകയായിരുന്നു.

ആഭ്യന്തരമന്ത്രി രമേശ് ചെന്നിത്തലയെ വെല്ലുവിളിച്ചതിന് കണ്ണൂർ പൊലീസിൽ രജിസ്റ്റർ ചെയ്‌ത കേസിലാണ് നിലവിലെ അറസ്റ്റ്. രണ്ട് മണിക്കൂറോളം അർജുൻ ആയങ്കിയെ പൊലീസ് ചോദ്യം ചെയ്‌തെങ്കിലും ഒളിവിൽ കഴിഞ്ഞ സ്ഥലത്തെകുറിച്ച് കൃത്യമായ വിവരം ലഭിച്ചിട്ടില്ല.