നാരായണീയ പാരായണം

റാന്നി : തോട്ടമൺകാവ് ദേവീക്ഷേത്രത്തിൽ നടക്കുന്ന അംബായാഗത്തിന്റെ ഭാഗമായി ആരംഭിച്ച നാരായണീയ പാരായണയജ്ഞത്തിൽ കടപ്ര – മാന്നാർ മഹാലക്ഷ്മി നാരായണീയ സമിതി പങ്കെടുത്തു. കേരളത്തിന്റെ വിവിധ ഭാഗങ്ങളിൽ നിന്നെത്തുന്ന അമ്മമാരും വിവിധ നാരായണീയ സമിതികളും പങ്കെടുക്കുന്ന പാരായണയജ്ഞം അംബായാഗത്തിന്റെ ആത്മീയ പരിപാടികൾക്ക് കൂടുതൽ ഭക്തിസാന്ദ്രത പകരുകയാണ്. ഭക്തിയും ആത്മീയചിന്തയും കുടുംബ - സാമൂഹിക കൂട്ടായ്മയും ശക്തിപ്പെടുത്തുന്നതിനൊപ്പം വിവിധ പ്രദേശങ്ങളിലെ ഭക്തജനങ്ങളെ അംബായാഗവുമായി ബന്ധപ്പെടുത്തുന്നതിന്റെ ഭാഗമായാണ് നാരായണീയ പാരായണയജ്ഞം സംഘടിപ്പിച്ചിരിക്കുന്നത്. ഒക്ടോബർ 9 മുതൽ 18 വരെയാണ് അംബായാഗം നടക്കുക.