പുസ്തക വായനയും സൂംബ പരിശീലനവും

വടകര: പുസ്തക വായന പ്രോത്സാഹിപ്പിക്കുന്നതോടൊപ്പം വൈവിദ്ധ്യങ്ങളായ മറ്റ് നിരവധി പ്രവർത്തനങ്ങളും നടത്തിവരുന്ന പാലയാട് ദേശീയ വായനശാല ആൻഡ് ഗ്രന്ഥാലയം സൂംബ നൃത്തത്തിൽ പരിശീലനം നൽകുന്നു. വായനശാല വനിതാവേദിയുടെ ആഭിമുഖ്യത്തിൽ നടന്ന പരിശീലന പരിപാടിയുടെ ഉദ്ഘാടനം വായനശാലയുടെ പതുതായി നിർമിച്ച ഹാളിൽ വാർഡ് മെമ്പർ എം.പി.അനിഷ്‌കുമാർ നിർവഹിച്ചു. കെ കെ. രാജേഷ്കുമാർ അദ്ധ്യക്ഷത വഹിച്ചു. സി.എച്ച്. ശ്രീനിവാസൻ, ടി പി.ശോഭന, ആതിര സുബിൻ പ്രസംഗിച്ചു. ശശിധരൻ. കെ.കെ, സജീവൻ. ടി സി, ബാലകൃഷ്ണൻ ബി.കെ, വനിതാവേദി കൺവീനർ ലിഷ പി.കെ, രജിഷ എം.കെ, ഹരിഷ്ണ കെ.സി നേതൃത്വം നൽകി.