ഹയാഇൽഹാമിന് വീട്ടിൽ ലൈബ്രറി

​ കടലുണ്ടി: കടലുണ്ടി പബ്ലിക് ലൈബ്രറി പഠന ഗവേഷണ കേന്ദ്രത്തിന്റെ വിദ്യാർത്ഥിക്ക് വീട്ടിലൊരു ലൈബ്രറി പദ്ധതിയുടെ ഭാഗമായി വളളിക്കുന്ന് വൈറ്റ് സ്കൂൾ മൂന്നാംക്ലാസ് വിദ്യാർത്ഥി​ ഹയാഇൽഹാമിന് ലൈബ്രറി ഒരുക്കി. ചാലിയം കടുക്ക ബസാറിൽ കനീശയിൽ വീട്ടിൽ വാർഡ്മെമ്പർ സി.സെബ്രീന ഉദ്ഘാടനംചെയ്തു. മുൻ ബാലാവകാശ കമ്മിഷണൻ​ അഡ്വ. നസീർചാലിയം പ്രഭാഷണം നടത്തി. പഠന ഗവേഷണ കേന്ദ്രം പ്രസിഡന്റ് അനിൽ മാരാത്ത്​ അദ്ധ്യക്ഷത വഹിച്ചു.​ ലുബൈന ബഷീർ,കെ.പി.അഷ്റഫ്, എം.കെ.ഹസ്സൻകോയ, താജുദീൻ കടലുണ്ടി, എ.ആർ. കുട്ടി, എ.അർഷാദ് ​ എന്നിവർ ​പ്രസംഗിച്ചു. ഹയാഇൽഹാം വായനാനുഭവം പങ്കിട്ടു. സാജിത.എൻ.പി, റംല. ഇ, ഹാജിയ നസ്റിൻ കെ.പി, മുഹമ്മദ്അജിലാൻ, നൈറസൽമാൻ, അൻഷിയ മറിയം എന്നിവർ പങ്കെടുത്തു. ലൈബ്രറി സെക്രട്ടറി കൃഷ്ണദാസ് വല്ലാപ്പുന്നി സ്വാഗതവും റുബിയ അർഷാദ് നന്ദിയും പറഞ്ഞു.