കിണറുകളിൽ ക്ലോറിനേഷൻ

വൈക്കം : മസ്തിഷ്‌ക ജ്വരത്തെ പ്രതിരോധിക്കുന്നതിന്റെ ഭാഗമായി ഡി.വൈ.എഫ്.ഐയുടെ നേതൃത്വത്തിൽ ടി.വി.പുരം തൃണയംകുടം പ്രദേശത്തെ വീടുകളിലെ കിണറുകളിൽ ക്ലോറിനേഷൻ നടത്തി. ജില്ലാ സെക്രട്ടേറിയ​റ്റ് അംഗം ആനന്ദ് ബാബു ഉദ്ഘാടനം ചെയ്തു. മേഖല പ്രസിഡന്റ് ശരത് പൊന്നപ്പൻ അദ്ധ്യക്ഷത വഹിച്ചു. ജില്ലാ കമ്മി​റ്റി അംഗം ബ്രിജിൻ പ്രകാശ്, ബ്ലോക്ക് ജോ. സെക്രട്ടറി കെ.എം.കണ്ണൻ, വൈസ് പ്രസിഡന്റ് പി.ജെ.വിനീഷ്, മേഖല സെക്രട്ടറി പി.ആർ.അഖിൽ, വിഷ്ണു.കെ വേണു, എം.പി.ഹരീഷ്, നന്ദു എസ്.ബാബു, സച്ചു വേണുകുട്ടൻ, ജിഷ്ണു എന്നിവർ പങ്കെടുത്തു.