കുത്തിയിരുപ്പ് സമരം

നിലമ്പൂർ: നഗരസഭ മാലിന്യ നിർമ്മാർജ്ജന നടപടികൾ താറുമാറായതിൽ പ്രതിഷേധവുമായി ഇടതുമുന്നണിയുടെ നേതൃത്വത്തിൽ പുതിയ ബസ് സ്റ്റാൻഡിൽ കുത്തിയിരിപ്പു സമരം നടത്തി. പ്രതിഷേധം മുൻ നഗരസഭ ചെയർമാൻ മാട്ടുമ്മൽ സലീം ഉദ്ഘാടനം ചെയ്തു. പി.എം.ബഷീർ അദ്ധ്യക്ഷത വഹിച്ചു. കക്കാടൻ റഹീം, ടി.ഹരിദാസ്, വി.സി ശ്രീധരൻ, രാജഗോപാലൻ, ഷൗക്കത്ത്, എം.മുജീബ് റഹ്മാൻ, സ്‌കറിയ കിനാതോപ്പിൽ, ഇടതുമുന്നണി കൗൺസിലർമാർ, മുൻകൗൺസിലർമാർ തുടങ്ങിയവർ സംബന്ധിച്ചു. പ്ലാസ്റ്റിക് മാലിന്യം കുന്നുകൂടിയ പ്രദേശം സന്ദർശിച്ച ശേഷമായിരുന്നു ബസ് സ്റ്റാൻഡിൽ സമരം സംഘടിപ്പിച്ചത്.