മോഷണക്കേസിൽ രണ്ടുപേർ അറസ്റ്റിൽ

കോതമംഗലം: പോത്താനിക്കാടും സമീപപ്രദേശങ്ങളിലും അടുത്തകാലത്തുണ്ടായ മോട്ടോർ പമ്പ് സെറ്റ് മോഷണക്കേസിൽ രണ്ടുപേർ അറസ്റ്റിലായി. നെല്ലിക്കുഴി വട്ടേക്കാട്ട് പുത്തൻപുര അബ്ദുൾസമദ് (18), വാരപ്പൈട്ടി കൊടക്കാപ്പിള്ളിൽ അതുൽ(18) എന്നിവരാണ് അറസ്റ്റിലായത്. നാല് കേസുകളാണ് ഇവർക്കെതിരെയുള്ളത്.

കല്ലൂർക്കാട് സ്റ്റേഷനിൽ രജിസ്റ്റർ ചെയ്ത മറ്റൊരുമോഷണക്കേസിലും ഇരുവരും പ്രതികളാണ്. ഊന്നുകൽ പൊലീസ് രജിസ്റ്റർ ചെയ്ത കേസിൽ ജയിലിൽനിന്ന് പുറത്തിറങ്ങിയശേഷവും മോഷണംപതിവാക്കുകയായിരുന്നു. എസ്.എച്ച്. ഒ സിജു ജോസഫിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. സമീപകാലത്ത് സ്റ്റേഷൻ പരിധിയിൽ നിരവധി മോഷണങ്ങൾ നടന്നിരുന്നു. ഇവയിലും അന്വേഷണം പുരോഗമിക്കുകയാണ്.