നിരന്തര കുറ്റവാളിക്ക്  ജില്ലയിൽ സഞ്ചാര നിയന്ത്രണം  

കോട്ടയം: നിരന്തര കുറ്റവാളിയായ ആൾക്ക് ജില്ലയിൽ ഒരു വർഷത്തേക്ക് സഞ്ചാര നിയന്ത്രണം. ചിങ്ങവനം സ്റ്റേഷൻ പരിധിയിലെ വെള്ളൂത്തുരുത്തി പുത്തൻപറമ്പിൽ വീട്ടിൽ അനിൽ കുമാർ (56) ന് എതിരെ ആണ് നടപടി. മുൻകൂർ അനുമതിയില്ലാതെ ജില്ലാ പൊലീസ് മേധാവിയുടെ അധികാരപരിധിയിൽപ്പെടുന്ന പ്രദേശങ്ങളിൽ പ്രവേശിക്കാൻ സാധിക്കില്ല. ഉത്തരവ് ലംഘിക്കുന്നതായി ശ്രദ്ധയിൽപ്പെട്ടാൽ നിയമാനുസൃതമായ തുടർനടപടികൾ സ്വീകരിക്കുമെന്ന് പൊലീസ് അറിയിച്ചു. നിരവധി മോഷണ കേസുകളിലും, എൻഡിപിഎസ് കേസുകളിലും ഉൾപ്പെട്ടിട്ടുള്ള ആളാണ് അനിൽകുമാർ.