ഒരു കോടിയുടെ ഭാഗ്യശാലിയെ തേടി ലോട്ടറി വിൽപ്പനക്കാരൻ

കൽപ്പറ്റ: കൽപ്പറ്റ സർവീസ് സഹകരണ ബാങ്ക് സമീപം ലോട്ടറി ടിക്കറ്റ് വിൽപ്പന നടത്തുന്ന കെ. അജയകുമാർ ആണ് കേരള ഭാഗ്യക്കുറിയുടെ സുവർണ്ണ കേരളം ലോട്ടറിയിൽ ഒരു കോടി രൂപയുടെ സമ്മാനാർഹമായ ടിക്കറ്റ് വിൽപ്പന നടത്തിയത്. ആർ.എസ്. 807384 എന്ന നമ്പർ ടിക്കറ്റിനാണ് ഒന്നാം സമ്മാനം. ടിക്കറ്റ് വാങ്ങിയ ആളെ കുറിച്ച് ഇതുവരെയും വിവരമൊന്നും ലഭിച്ചിട്ടില്ല. 250 ഓളം ടിക്കറ്റുകളാണ് അജയകുമാർ അന്നേ ദിവസം വിൽപ്പന നടത്തിയത്. മുൻപ് 5 ലക്ഷം രൂപ വരെ സമ്മാനം കിട്ടിയിരുന്നുവെങ്കിലും ഒരു കോടി കിട്ടുന്നത് ആദ്യമെന്ന് അജയകുമാർ പറഞ്ഞു.