വളകിലുക്കം വാർഷികാഘോഷം

മലപ്പുറം: മലപ്പുറത്തെ വനിതകളുടെ ജില്ലാതല കൂട്ടായ്മയായ വളകിലുക്കം വനിതാ കൂട്ടായ്മ വാർഷികാഘോഷവും വളകിലുക്കം സേവന പുരസ്‌കാര സമർപ്പണവും നടന്നു. മലപ്പുറം ടോപ്പ് സ്‌കിൽ ടീച്ചേഴ്സ് ട്രെയിനിങ് സെന്റർ ഹാളിൽ സാമൂഹ്യപ്രവർത്തക അഡ്വ. സുജാത വർമ്മ ഉദ്ഘാടനം ചെയ്തു. ചടങ്ങിൽ വളകിലുക്കം പ്രസിഡന്റ് ശോഭ വിജയൻ അദ്ധ്യക്ഷത വഹിച്ചു. വളകിലുക്കം ചെയർമാൻ മജീഷ്യൻ മലയിൽ ഹംസ, വളകിലുക്കം മുഖ്യരക്ഷാധികാരി മുംതാസ് ബഷീർ മച്ചിങ്ങൽ തുടങ്ങിയവർ സംസാരിച്ചു. വളകിലുക്കം സെക്രട്ടറി വി കെ ജമീല സ്വാഗതവും വളകിലുക്കം ഫൗണ്ടർ ഹസീന മലയിൽ നന്ദിയും പറഞ്ഞു.